Skill India Digital Free Certificate :Desh mein bohot se aise citizen hain jo apni padhai poori kar chuke hain, lekin abhi tak unhe achhi job nahi mil paayi hai. Is liye sarkar ne Skill India Program shuru kiya tha. Is program ke tehat berozgar yuvaon ko alag-alag naye skills mein Training di gayi thi. Jinhone is yojana ke tehat muft mein training li thi, wo ab apna certificate download karke apne kaam se judi hui naukri hasil kar sakte hain.
Is yojana ke zariye citizens ko alag-alag rozgaar ke options se introduce kiya gaya hai. Is initiative se berozgar yuvaon ko digital courses ke zariye training di gayi hai, taaki wo rozgaar ke liye tayar ho sakein . Is yojana ka main aim hai desh mein berozgaari ko kam karna aur yuvaon ko rozgaar dena. Is article mein janiye Skil India Digital Free Certificate download karne ki puri process.
Skill India Digital Free Certificate kya hai?
Skill India Program bilkul free hai, yani aap bina kisi kharch ke ek accha course kar sakte hain aur certificate ke through us field mein job pa sakte hain. Is scheme ke zariye technical field mein bhi kaafi development hua hai, jahan alag-alag fields ka compilation kiya gaya hai, jaise ki electrician, mechanic, engineering, technical, etc. Is scheme ke tehat, youth apni interest ke according kisi bhi field mein training le sakte hain.
Agar aap bhi is scheme ke tehat certificate pana karna chahte hain, toh sabse pehle aapko official portal par jakar online registration karna padega. Uske baad aapko training di jayegi, aur jab aapki training complete ho jayegi, tab aapko certificate mil jayega. Toh chaliye jaante hain ki aapko certificate kaise mil sakta hain.
Skill India Digital Free Certificate ke liye registration
Skill India Digital Free Certificate ke tehat alag-alag employment-related courses complete karne ke liye sabse pehle registration karna zaroori hai. Registration ke baad hi aapko skills aur technical training ke liye eligible maana jayega. Is scheme ke under sirf un logon ke liye courses available hain jinhone apni basic education complete kar li hai, kyunki is initiative ka maqsad educated individuals ko job opportunities provide karna hai.
Skill India Digital Free Certificate ka purpose kya hai?
Kendra sarkar ka yeh program shuru karne ka main maksat hai ki berozgar yuvaon ko rozgar se joda ja sake. Is yojana mein alag-alag courses availaible hain jo aapke interest ke hisaab se hain, aur inhe complete karne ke baad aapko ek certificate milta hai jo aapko us field mein job paane mein madad karta hai. Yeh courses online hote hain, jo aap apne mobile se seekh sakte hain, aur ek fixed time bhi hota hai jisme aapko course complete karna hota hai.
Is yojana ke tehat un yuvaon ko bhi mauka diya jata hai jo kaam mein interest rakhte hain, lekin unke paas theek skills nahi hain. Yeh yojana yuvaon ko rozgar se jude kaamon ke liye motivate karti hai aur desh ke kisi bhi hisse mein kaam paane mein madad karti hai.
Skill India Digital Free Certificate ke liye prescribed age limit
Is yojana ke tehat desh ke berozgar yuvaon ko rozgar paane ke mauke mil rahe hain. Lekin, is yojana ke tehat sirf wahi log training le sakte hain jinki age 18 se 35 saal ke beech hai. Sarkar ne is program ke liye auraton ke liye bhi alag courses availaible kiye hain aur unhe maximum age limit mein chhoot bhi di gayi hai.
Skill India Digital Free Certificate kaise hasil kare
Agar aap bhi is yojana ke tehat training lekar certificate lena chahte hain, toh niche diye gaye sabhi steps ko follow kare
- Pehle, aapko Skill India ki official website par jaake registration karna hoga.
- Uske baad, website ke home page par Skill India course ke option par click karein.
- Ab aapke saamne Skill India ke kai saare courses aayenge, jisme se apko jo pasand aaye usse select karein.
- Phir aapke saamne us course ka registration form khulega, jo aapko dhyan se bharna hoga.
- Form mein zaroori documents ko upload karna padega.
- Ab form ko submit kar dein.
- Uske baad, aapko training di jayegi aur training complete hone ke baad aapko certificate mil jayega.
Skill india